Królestwo

Zadziwiajōncŏ kōntynuacyjŏ jednego z nojwiynkszych bestsellerów ôstatnich lŏt.

Ryfka mŏ jedyn cyl — przetrwać. We swojij kryjōwce piastuje do poły przitōmnego Jakuba Szapiry, kery niczym niy przipōmino piyrwiyjszego postrachu stolice. Kobiyta nocami wychodzi na gruzowisko, kerym po polskim powstaniu stała sie Warszawa. Zdobywŏ jedzynie, ôbmyślŏ plan dalszyj ucieczki, piyniōndze wymiyniŏ na coś moc barzij cynnego — na gywera. Jeji ôczy widzōm upŏdek dŏwnego „krōlestwa” ôd Szapiry, ônyj nozdrza poznajōm wōń pociepniyntych ôstatkōw jedzyniŏ, jak i ôdōr trupi, a do jeji uszōw dochodzōm corŏz to nowe klachy. Pōno pod ruinami byłego getta żyje bezma mityczny Ares, kery krwiōm szkryfto swoje nazistowskie ôfiary…
Dawid, syn ôd Szapiry, przeżōł wywōzka z Umschlagplatzu. Ô losie ôjca małowiela wiy, bo tyż mało go ôn ôbchodzi. W skryciu spōminŏ dŏwne czasy i przedwojynnõ potyngã ôd Jakuba. Trefiōł w życiu moc złych ludzi, ale żŏdyn niy widzi mu sie gorszym aniżeli Jakub Szapiro…
Ôzprŏwka Ryfki i historyjŏ Dawida ukłŏdajōm sie w zadziwiajōncõ kōntynuacyjõ Krōla, jednego z nojwiynkszych bestsellerów ôstatnich lŏt. Chytajōncŏ za garło ôzprŏwka ô wojnie jak tyż bezkōmpromisowe wejzdrzynie na ôprawców i ôfiary. Żydy, Polŏki i Niymce. I to nojciynżyjsze wyzwanie… ôstać czowiekym.

Ôryginalny ôpis we polskim jynzyku bōł wziynty ze strōny ôd wydŏwcy.