Chołod

Rōman ôd Szczepana Twardocha, inspirowany polarnymi rajzami ôd autora.

Wielki wander bez Arktyka – ôcean, łagry, miyłowanie i gwołt.

Kōnrad Widuch, kery pochodzi z Gōrnego Ślōnska, je weteranym Wielkij Wojny, kōmunistōm cołkim sercym ôddanym rewolucyji. Po wojnie społym z Karlym Radkym wyjyżdżŏ do sowieckij Rusyje i wcielŏ w życie prolytariacki porzōndek – walczy we Kōnarmiji we wojnie 1920 roku. Rewolucyjŏ jednak zeżyro włŏsne dziecka. W czasie czystkōw 1937 roku tŏwarzisz Widuch jako „stary bolszewik” ôstŏwŏ heresztowany, skŏzany i wysłany do łagru, z kerego jednak uciykŏ i tak zaczynŏ sie jego rajza bez śniygi, lody i tundra.
Uchodzi ôn przed sowieckōm sprawiedliwościōm w tŏwarzistwie niywidōmego wora w zakōnie i błatnyj mianym Ljubow. Widuch trefiŏ w kōńcu do tajymnyj ôsady, nazywanyj bez jeji miyszkańcōw Chołodym. Żyjōm w nij ôni zgodnie z rytmym surowyj, polarnyj natury, chowiōm rynifery, polujōm na foki i niydźwiedzie, gŏdajōm swojōm gŏdkōm i nikej niy słyszeli ô Stalinie.
Do czasu…

Chołod je ôzprŏwkōm ô rozczarowaniu idyjami. Ô losie jednostki ciepniyntyj we wir historyje i ô chwili wytchniyniŏ, kero bohatyr znŏjduje poza cywilizacyjōm. Je to ale ino chwila, skuli tego, co ruski Behemot uwziyńcie podōnżŏ szlakym ex-tŏwarzisza Widucha.

Ôryginalny ôpis we polskim jynzyku bōł wziynty ze strōny ôd wydŏwcy.