Obłęd rotmistrza von Egern

Nostympny tytuł ze seryje modziyńczych rōmanōw i ôzprŏwek ôd Szczepana Twardocha!
Pojedynki, wielke namiyntności i roztōmajte ôbliczności szalyństwa.

Joachim von Egern, huzarski rotmistrz, przoł wojnie, choć znoł jã ino z ôzprŏwek ôd fatra. Jednak prŏwdziwŏ wojna postawi przed modym szlachcicym niyłatwe wyzwanie.
Szesnaście lŏt starŏ Anna Pawlas wydała sie za Franza i narodziyła syna. Ale to jeji niy stykŏ. Żōndnŏ przigōd jak we ksiōnżkach, przi piyrszyj możliwyj ôkazyje bez żŏlu jedzie fōrt z inkszym.
Jorg Szołtysek, grubiŏrz na pynzyji, starŏ sie żyć chwilōm. Ôkrōm tego spōmniynia nawrōcajōm, kej nawiydzŏ go Fritz Ratschek, jego dŏwny przełożōny. Chopy, uwiedzōne dŏwnōm powiarkōm, kero kejś słyszeli, chcōm sie przekōnać, eli kryje sie w nij choć ziŏrno prŏwdy.
Bohatyry debiutanckigo tōmu ôzprŏwek Szczepana Twardocha powzimajōm decyzyje pod wpływym chwile, mocnych ymocyjōw, w pogōni za idyjałami. Jakõ cynã przijdzie im zapłacić za swoje wybory?

„Debiut ôd Twardocha pokazuje, że dramatyzm ôd historyje, jeji skōmplikowanie i niyjednoznaczność majōm swoja podstawa w jego Hajmacie, kery ôbtŏczŏ ôsobliwym staraniym. Świat wymyślōny wywodzi sie stōnd, a wejzdrzynia na kwestyje społeczne, klasowe, tożsamościowe, niyzŏleżnie ôd tego, kaj Twardoch wrażŏ akcyje swojich nostympnych rōmanōw, wrŏcajōm niyskorzij ymocjōnalnie prawie tukej. Beztōż ôkrōm ćiymy i brutalności zdarzyń, we Obłędzie Rotmistrza von Egern je tyż plac na światło”.
Anna Cieplak, kōncek posłowiŏ

Ôryginalny ôpis we polskim jynzyku bōł wziynty ze strōny ôd wydŏwcy.